將軍澳寶盈花園元旦嘉年華

踏入2008年元旦，好快已經有演出嘅機會，今日就入咗將軍澳寶盈花園做歌唱表演。大約三点幾入到去，週圍已經擠滿了人，有D玩緊攤位遊戲，有D就聽緊唱歌同睇表演，可能真係經濟好，每個人面上都掛住一副歡樂嘅笑容。

上次表演前部MD機壞咗，所以今次轉咗用CD播歌，不過已經揾人去日本買番部有錄音功能嘅MD機，始終MD用來比賽同表演都好D。今日都準備咗五首歌，當然都喺舊歌，分別有「逝去的諾言」、「相思風雨中」、「現代愛情故事」、「雙星情歌」同「前程錦綉」。自己唱果part都算O.K.，Denis重讚自己今日唱得幾好。

今個星期開始要為月中19同20号喺機場亞博嘅表演排舞，自己無跳舞底子唔知可唔可以應付得嚟？

最後希望各位Blog友今年心想事成，Happy New Year !