Flora & Ginger結婚典禮

今日係Flora同Ginger結婚嘅大喜日子，繼上次幫Louis個仔嘅婚宴做司儀後，今次再有機會擔任結婚典禮嘅司儀，而拍檔就係電子琴王子K.O.。

講起今早嘅氣温得十度以下，自己同Tommy大約十点半鐘出到紅磡都會廣場。同K.O.稍作溝通後，一眾親友亦相繼到場，過咗一陣結婚典禮就正式開始。當結婚進行曲奏起後，一對新人徐徐進場，然後雙方交換介指，跟住就到新娘同新郎講佢哋嘅感受，當然說話中少不免有感人嘅對白同場面。

其實人生能夠找到一個愛自己同自己愛嘅人，我哋作為佢哋嘅朋友都感到好開心，喺度祝福佢哋兩個白頭到老、永結同心，永遠幸福快樂。