行際康樂體育會第十屆週年晚宴暨頒獎禮

今晚去咗九龍灣國際展貿中心參加一年一度嘅行際康樂體育會週年晚宴暨頒獎禮，每年大會都會於這個晚宴上頒發各大行於不同比賽中獲得嘅獎項。上年九鐵就贏得高球團体亞軍、羽毛球團体殿軍同籃球男子團体殿軍，不過今次自己嘅身份係代表港鐵領取羽毛球比賽殿軍嘅獎項。

其實上年九鐵羽毛球隊嘅成績的確有好大進步，因為除咗InterHong之外，男雙亦奪得工商盃A組賽嘅冠軍，所以今晚嘅司儀都話港鐵嘅成立係一個大國嘅崛起，今年各大行都要小心啦！

大會今年請咗喬寶寶同一哥(TVB戲集同事三份親裡面個鬼佬)做表演嘉賓，寶寶又施展佢嘅攪笑大法娛樂大家，唱歌跳舞當然都唔少得。

同上年一樣，晚宴中會有歌唱比賽助興，不過今年就只得大家樂、中電、怡和、PCCW、滙豐同九巴六間公司參加。可能因為兩鐵合併只有個多月，所以港鐵並沒有派人參加。此外，今年亦無好似上年有麥潔雯小姐做評判同表演嘉賓那樣專業，氣氛同認受性的確有点遜色。

六位參賽者中自己同Tommy比較喜歡來自滙豐嘅朋友，佢嘅參賽歌係「寵物」，之前喺其他Blog都睇過佢嘅演出，都唱得幾好，不過佢最後只得季軍。而冠軍係來自中電嘅朋友，佢唱嘅係快歌「著迷」，開腔衣着加跳舞，應該得到評判唔少嘅分數。

明天一早又要去九龍灣排舞，所以未完Dinner就要趕住走，希望明年有機會為港鐵出戰啦！