葵涌(西)分區日嘉年華

今日去咗葵興表演，活動叫做「葵涌(西)分區日嘉年華」，我哋大約二点鐘到達現場，大會主禮嘉賓正進行儀式。今次己經係我哋第三次幫Denis做類似嘅Function，亦開始慢慢習慣與台下嘅觀眾有交流。

本來今日我哋準備咗五首歌，分別係「難得有情人」、「梅蘭梅蘭我愛你」、「人在旅途灑淚時」、「十分.愛」同「當年情」，因為我哋知道這種場合舊歌會比較受歡迎，点知大會部機播唔到全部歌，最後剩係唱咗三首歌，不過因為這個原因，我同Tommy反而要喺台上講下嘢，又同台下嘅觀眾攪下氣氛，完全係唱歌以外嘅寶貴經驗，比起之前出Show已經自然同鎮定好多。

這個活動除咗我哋之外，大會重請咗方伊琪小姐做表演嘉賓，佢一向都唱開鄧麗君嘅歌，今次當然都唔例外，亦有前輩一貫嘅水準，我哋當然又同佢影番張相留念。

今個星期真係過得好充實，不過就好攰啦！