康雅歡樂迎聖誕嘉年華2008

聖誕通常係出show旺季，噚晚同Tommy去咗藍田康雅宛，自己做司儀而Tommy就唱歌。喺APM食咗少少嘢之後就到表演場地，再到屋宛寫子樓跟負責人了解整晚嘅節目安排。晚會有雜技表演、抽獎同唱歌，包括流行曲同粵曲，另外又請咗李紫昕(Purple姐姐)到場獻唱金曲。

嘉年華會喺立案法團主席致詞後正式開始，第一個出場唱歌嘅係Spencer，噚晚Mandy都有同佢一齊來。好耐無見過Mandy，現在佢哋已經係人哋嘅Daddy同Mummy，祝佢哋嘅小寶貝快高長大，集佢哋兩個有一把美好嘅嗓子。

節目進行得比預期快，到Tommy出場嘅時間快咗成十分鐘，所以Tommy喺唱聖誕歌嘅時候就叫埋一班小朋友上台搞搞氣氛，再加埋最後我哋兩個再唱番首合唱歌來配合番Purple姐姐到場嘅時間。大家都知Purple姐姐唱兒歌了得，另外佢搞氣氛亦有一手，我哋從佢嘅演出當中都獲益良多。

噚晚已經掌握咗更多做好司儀嘅技巧，不過連續兩晚出show的確有点辛苦。