比華利山聖誕嘉年華2008

今年聖誕第二份工作係噚晚喺跑馬地比華利山做聖誕嘉年華會嘅司儀，約埋Celia大約七点鐘喺銅鑼灣會合，然後一齊行去會場。會場嘅佈置非常有聖誕氣氛，高尚住宅資源方面當然唔成問題。

噚晚嘅氣温應該得十二、三度，加上會場喺室外，所以有風吹來時都幾凍。今次好多謝Celia特登抽時間來為我拍video，自己日後可以睇番自己嘅表現，有不足嘅地方可以改善。

簡單go through咗個programme之後，嘉年華會準時喺八点鐘開始，節目包括有Hip Hot舞表演、厨師雜技同牧童笛表演，當然攤位遊戲，聖誕老人派禮物同幸運大抽獎一定唔少得，唯獨就無歌唱表演。整晚節目都進行得好順利，嘉年華會亦喺十点鐘結束，之後同咗Celia食咗少少嘢先返屋企，返到去已經一点幾鐘，好攰！

回顧整晚嘅表現自己覺得opening應該可以做得好d，其他地方亦有進步嘅空間。最後好多謝Celia同Stephen一班工作人員嘅提点，大家合作得好開心。

今晚平安夜，祝所有blog友聖誕快樂！