地鐵攝影會會員作品展

自己一向對攝影都好有興趣，所以之前就加入咗地鐵攝影會，希望可以提高自己攝影方面嘅水平。而今日係攝影會會員作品展嘅開幕典禮，一連三日喺尖沙咀文化中心展出會員嘅作品。自己大約四点鐘左右到達會場，喺未開始典禮之前，當然要參觀一下展出嘅作品偷下師啦。

大會今年邀請到香港中華攝影會會長吳連城先生、恩典攝影學會榮譽會長鍾賜佳先生同攝影名家張淑歡小姐到場為今次嘅展會做開幕典禮嘅嘉賓，而自己就負責一個好簡單嘅任務，就係帶領剪采嘉賓進場。雖然只係一個少少嘅任務，但大會亦頒發咗一個紀念品俾自己，真係好開心呀！

典禮大約喺晚上七点半鐘完成，跟住就同嘉賓及攝影會嘅會友一齊去食飯。因為明天一早要去九龍灣為Tommy打氣，明晚又要幫Stanley仔仔嘅婚宴做表演嘉賓，所以到九点鐘左右自己就走先，不過自己今日的確學識咗好多攝影方面的知識。