為兩鐵合併主題曲錄音

噚晚同Tommy, Ginger上咗上環宇宙大爆炸音樂製作室錄音，因為公司同地鐵請咗音樂人張佳添同黄樹一為兩鐵合併作咗一首主題曲，重邀請咗李克勤主唱，真大手筆。

兩鐵都有同事負責其中一段嘅和唱部份，而我哋三個就代表公司。克勤已經係幾日前錄好佢果部份，而我哋收到個Final Version已經好遲，聽完之後覺得首歌都幾易上口。

上到去錄音室嘅時候，地鐵嘅兩位朋友正在錄緊音，趁有時間當然要參觀一下。製作室Office放咗一D得獎嘅獎項，有無線嘅十大勁歌金曲嘅作詞作曲獎，又有港台中文金曲獎，真係大開眼界。

好快又到我哋錄音，首先Ginger錄先，跟住到我，最後係Tommy。首歌高音部份都幾高音，可能特登要表現克勤嘅唱功。錄音師Bryan非常有心機教我哋去唱首歌，可能並唔係第一次入錄音室，所以最後比我哋想像中快完成，Bryan話跟住要做Mixing，重俾我哋聽咗初步嘅Mixing板本。最後我哋重同Bryan映咗幾張相留念。

今次真係一次好好嘅經驗，唔知日後有無機會同克勤同台合唱這首主題曲，如果有就開心死啦！