屯門青磚圍流行音樂會

又是一個天氣非常酷熱的下午，今次嘅演出地点喺屯門青磚圍。第一次喺圍村表演，感覺是老人家特別多，無高樓大廈，一旁是傳統舊式圍村風貌，而另一旁則是新建平房式村屋，新舊建築兩者互相輝影，算是香港獨特文化之一。

今日除咗我哋兩個之外，阿謙亦有份演出，而可能因圍村環境比較簡樸，所以今次表演場地佈置亦十分簡單。Denis預先叫我哋準備定舊歌，所以八首歌當中亦以舊歌為主。不過今日天氣真是熱得利害，自覺熱到連唱歌也提不起勁，好不容易才完成所有歌曲。

因為跟住重要出席朋友生日晚飯，所以我哋唱完就立刻打的去港鐵站轉火車到錦上路，去到間泰國菜館已經開始天黑 ，正當大家還在興高釆烈地拍照時，突然間風雲變色，突如其來的怪風將菜館的餐具及太陽傘都吹翻，接著雷電交加，橫風橫雨，因為我哋book嘅坐位是outdoor，為安全起見，迫不得已亦要臨時更改地方。雖然今次未能品賞這裡的美食，不過相信好快我哋又可以重臨此地，最後要祝 Jessica 生日快樂。