婚宴司儀 (Pui Yee & Nelson)

相信今年一定係好年，因為今晚已經係差不多一個星期內自己第三次做婚宴司儀 ，雖然話市道唔係太好，但結婚係人生大事，点都唔可以馬虎。

今晚嘅兩位主角係 Pui Yee & Nelson，婚宴舉行嘅地点喺荃灣鴻星海鮮酒家，而我嘅拍檔係第一次同佢合作嘅 Simon，Celia 噚日就約咗我哋出來見一次面，希望大家可以預先溝通一下，樣貌鬼鬼地嘅佢原來唱歌都一樣了得。

講番今晚婚宴有段少插曲，就係當播緊一對新人第一段片嘅時候，酒樓竟然播埋另外一對同日喺酒樓擺酒新人嘅片段，真係太失敗！除此以外，酒樓嘅音響方面亦比酒店遜色，不過我哋亦好用心完成餘下嘅工作。

最後祝 Pui Yee 同 Nelson 白頭到老，恩恩愛愛。明日係三八婦女節，祝各位姊妹有一個快快樂樂嘅星期天！