婚宴司儀 (Mabel & Patrick)

中秋節過後，自己一邊要交功課應付考試，另外就去咗幾個婚宴，觀摩一下Celia同Stanley兩位前輩点樣 handle一個完美嘅婚宴，因為Celia嘅工作室除咗有接歌唱表演嘅function之外，同時亦有幫人安排籌備婚宴活動。其實自己除咗唱歌之外，對司儀方面亦感興趣，而婚禮嘅宴會上可以有機會睇到好多靚人靚衫，又可以接觸到update嘅化妝潮流，作為一個女性嘅我當然樂意接受這份工作。

經過之前幾次嘅現場觀察同學習後，基本上一個婚宴嘅流程亦已了解，前晚喺Mable同Patrick嘅婚宴上，Celia就將其中一個遊戲環節交俾我同Stanley去主持，遊戲大約玩咗二十分鐘左右，同Stanley第一次合作都算合拍。當晚整個婚宴一切尚算順利，同一眾工作人員亦合作愉快，希望好快又有合作嘅機會，最後自己亦祝一對新人「百年好合、永結同心！」

另外有一件好開心嘅事，就係收到香港防癆心臟及胸病協會嘅請柬，邀請我同Tommy去參加佢哋六十週年紀念晚宴，而我哋重有機會上台表演，而當晚嘅主禮嘉賓喺香港特別行政區政府行政長官曾蔭權先生，現在真係要積極練歌喇！