復活節假期珠海澳門豪食團

今個復活節約咗朋友一行十幾人去咗珠海同澳門充電，整個行程食住都一早安排好，住嘅係珠海渡假村，食海鮮、魚翅，餐餐大魚大肉，大家嘅keep fit計劃都要擱置。為咗方便，我哋亦租咗一架二十坐巴士載我哋去遊覽，不過D景点並非平時旅行團帶我哋去參觀果D。

第三天我哋由珠海過澳門，不過拱北同灣仔都好多人，最後要由橫琴過關。果日嘅天氣非常大霧，有幾個朋友本來由香港過澳門同我哋會合，最後要差不多三個鐘隻船先可以埋岸。

其實我哋有好多前九鐵嘅同事之前已經過咗澳門做嘢，因為澳門實在有好多酒店同賭場正在興建，佢哋好多都租咗樓喺果邊住，星期六日先返香港。今次我同Tommy都入咗好多賭場参觀，不過由於時間關係，每間都只係走馬看花，自己覺得威尼斯人最多嘢睇，下次一定要book番晚住下先。今次入賭場都嬴咗幾佰元，算係幫補下旅費啦。