將軍澳流行曲歌唱比賽2007

2007年頭炮嘅歌唱比賽(將軍澳流行曲歌唱比賽)決賽於1月27日於將軍澳香島中學舉行，今次係Mandy通知我有這個比賽，講聲唔該先。

上年防癆歌唱大賽於新都城商場舉行，最終拿到最佳團体演譯獎，所以對這地方特別有好感。

參賽歌曲一樣是參加東區K歌之星得獎嘅(十分.愛)，因唔使多練，只需要改善多少台風。

上次Mandy同林秉謙要去參加無煙，所以無參加Ｋ歌之星，今次真正有機會同台比賽，加上有許兆銘、高偉健、馮家俊等高手，一定非常精彩。另外Ginger 同阿 Kim 又到場打氣，一於俾心機唱。

好快20個參賽者/組合都演出過，又到公報結果時間，好高興得到亞軍，有機會代表將軍澳區參加回歸盃。

比賽結果如下：

冠軍 : 高偉健 (燃燒)    亞軍 : 鄭婉雯、徐嘉祿 (十分.愛)   季軍 : 許兆銘 (浮誇)