港島東區回歸盃歌唱比賽2007

由香港青年動力協會主辨嘅港島東區回歸盃歌唱比賽決賽於5月6日於太古側魚涌社區會堂舉行，時間在晚上七時開始。

今次比賽分獨唱組同合唱組，而我亦invite 咗Ginger 參加，佢報獨唱而自己就報合唱，各自各努力。

入到決賽嘅朋友有部份係之前比賽碰過頭，而有部份係第一次見面。參賽歌係自己嘅飲歌(十分.愛)。

不過這個星期中身体已開始不適，比賽前天才見過醫生，食咗藥對唱歌有一定影响，惟有盡力而為。

當晚由合唱組唱先，自己第一隊出場，無驚無險總算唱得不過不失。而唱先又有個好處，就係可以靜心欣賞人哋嘅演出。

二十一個參賽單位一一出場後，又到宣報結果嘅時刻，成績如下：

合唱組

冠軍 : 高偉健、高曼婷 (妳最珍貴)   亞軍 : 林俊一、張智業 (龍捲風)   季軍 : 鄭婉雯、徐嘉祿 (十分.愛)

獨唱組

冠軍 :  姚輝洪 (留言)    亞軍 : 李嘉雯  (情人知己)    季軍 : 張智業 (動起來)

意外收穫：今次除咗有盃外，原來重有獎金，雖然唔多，但都喜出望外。

唱好積金創作比賽暨嘉年華會2007

由民建聯及積金局携手合辦嘅唱好積金創作比賽於4月29日於灣仔修頓球場舉行。今次嘅比賽方式係參賽者以舊曲填上新詞再自己唱翻首作品，而內容當然要同強積金有關。

最後揀咗容祖兒嘅(世上只有)來參賽，填上新詞後叫(積金創明天)。首歌斷斷續續用咗我兩個星期時間去填詞，自己都覺得幾滿意。

主辦機構最後揀咗8首作品入圍，而自己同 Amy 亦有幸被揀中。大會要求參賽者入到最後三甲後要唱多一首自選歌曲，最後先決定名次。

比賽當日發覺好多參賽者都是平日玩開比賽嘅朋友，例如有左麟右李、灣仔刀郎同Mandy男友；同事Shirley更到場捧場。

1st round唱完，宣報三甲。頭兩個入圍嘅宣報後，到最後一個，大會MC照例都賣吓關子，做到好緊張。終於都叫到自己嘅号碼，可放下心頭大石。

2nd round 開始，Amy唱第一個，Mandy男友唱第二，自己唱最尾。Mandy 男友揀咗隻快歌，户外場快歌+勁舞，真殺食。最終自己得亞軍，不過安慰嘅係積金局代表嘅評判話我填嘅詞，佢給我滿分。

又總結比賽結果： 冠軍 (張智業)    亞軍 (鄭婉雯、徐嘉祿)    季軍 (鄭婉茵)

將軍澳流行曲歌唱比賽2007

2007年頭炮嘅歌唱比賽(將軍澳流行曲歌唱比賽)決賽於1月27日於將軍澳香島中學舉行，今次係Mandy通知我有這個比賽，講聲唔該先。

上年防癆歌唱大賽於新都城商場舉行，最終拿到最佳團体演譯獎，所以對這地方特別有好感。

參賽歌曲一樣是參加東區K歌之星得獎嘅(十分.愛)，因唔使多練，只需要改善多少台風。

上次Mandy同林秉謙要去參加無煙，所以無參加Ｋ歌之星，今次真正有機會同台比賽，加上有許兆銘、高偉健、馮家俊等高手，一定非常精彩。另外Ginger 同阿 Kim 又到場打氣，一於俾心機唱。

好快20個參賽者/組合都演出過，又到公報結果時間，好高興得到亞軍，有機會代表將軍澳區參加回歸盃。

比賽結果如下：

冠軍 : 高偉健 (燃燒)    亞軍 : 鄭婉雯、徐嘉祿 (十分.愛)   季軍 : 許兆銘 (浮誇)