「創有明天」歌曲創作比賽

非常熱的一個中午，地点喺堅尼地城卑路乍灣公園，今次比賽由樂群社會服務處黃光漢社區服務中心主辦，原創音樂夢協會健藝社協辦，主題係「創有明天」，參賽嘅作品大多是新曲新詞，而Tommy今次用咗一首比較舊但輕快嘅「再見Puppy Love」填上新詞參賽。

我哋係第八組出場嘅參賽單位，自覺演出尚算穩定，雖然有少部份歌詞忘記掉。比賽好快來到頒獎時間，我哋雖然沒有獲得獎項，不過今次又好高興認識到一班能作能唱的朋友，大家交換了e-mail address日後聯絡。

博愛慈善歌唱晚會2009

自己很少到酒樓去看這類活動，不過今次係慈善show，當然要支持一下啦，接埋Tommy哋，上到去酒樓已經有好多朋友在場。

因為係Denis攞飛，所以我哋可以坐在主家席旁，同枱還有一眾演藝界前輩，包括有劉雅麗小姐媽咪曉華姐、江濤先生、區靄玲小姐同黃澤鐸先生。因為係慈善show，拍賣同唱歌等節目當然唔少得，而全晚嘅高潮係方伊琪小姐到場獻唱金曲，整晚從這些前輩身上獲益良多。

Battlestage「後台大戰」歌唱大賽

噚晚去咗中環 Backstage Live Restaurant 欣賞Battlestage「後台大戰」歌唱大賽初賽，這場已經是第六場。其實進入到今次初賽嘅朋友全都是在早前海港城試音會揀選出來的，阿謙亦是其中的一個，當然我哋亦是來為他打氣。

這個比賽的口号是音樂人發掘音樂人，而噚晚嘅評判有雷有暉先生、Mr. Robin Chi 同馮穎琪小姐。比賽場地其實唔大，正好拉近我哋同評判及參賽者之間嘅距離。講番今次比賽嘅賽制，初賽每位參賽者有十二至十五分鐘時間去show off，八場初賽每場選出一位冠軍，而每場第二高分者要再多鬥一場，詳情就要遲些先公報，決賽最後嘅得勝者可獲得東亞唱片公司歌星合約一份。

阿謙係第三個出場嘅參賽者，佢一出場就將全場嘅氣氛帶到頂点，因為台下三份一嘅觀眾都是他的支持者，佢演繹嘅四首歌都唱得唔錯，當中panel出錯亦handle得好好，評判賽後嘅評語係正面，可惜的是最後阿謙只得第三，不過，好開心噚晚又認識到一班新的朋友，期待下一次嘅gathering再聚。