MTR驚喜到站迎聖誕

港鐵公司每年聖誕都會邀請合作單位到旗下商場或車站表演，而今年更為兒童癌病基金籌款，於上星期六同今天於香港站與中環站之間的藝術表演坊上演每日三節的歌舞表演。今次除了請咗演藝學院一班修讀舞蹈課程的學員演出外，更加安排公司員工一同參予演出，而 Tommy 亦有份出一分力，今日自己就約埋阿鍾去捧佢場。

其實為咗今次嘅演出，公司特別找來排舞導師去指導大家，而佢哋亦用咗好多自己嘅時間去排練。由唱歌、跳舞同錄音，雖然未算盡善盡美，但演出當日亦吸引了不少途人圍觀，為臨近聖誕節加添熱鬧節日氣氛。

今年因為腳傷所以少了演出機會，希望腳傷盡快復原，在這裡亦預祝大家有一個開心的快樂聖誕。

2009「明日之聲」流行曲歌唱比賽決賽

今日一早要過灣仔考試，考完試之後就匆匆過上環文娛中心為Tommy打氣，因為佢入咗2009「明日之聲」流行曲歌唱比賽成人組決賽。

這個比賽分成人組、學生組及明日之聲組，跟其他大型比賽一樣，參賽者全部都要經過初賽和複賽先能夠進入這個階段。至於評判團方面，大會請來亞視音樂總監鄧志和先生、音樂人劉以達先生、作曲家方樹樑先生、國內聲樂大師唐牧歌先生、以及協辧單位 Singing Square 校長曾廣膺先生擔任。

今晚自己的坐位在評判團前兩行，視線一流，十分多謝 Wendy 嘅幫忙先有這個理想的位置。Opening 儀式結束後比賽就正式開始，Tommy係第二個出場而表現亦唔錯。好快經過一輪激戰之後，各組別亦開始宣報得獎名單，當司儀宣報成人組冠軍是 Tommy時，高興心情就好像自己得獎一樣，連腳傷亦拋諸腦後。

大會安排所有得獎者上台影大合照後，我哋亦趁機向評判請教一下心得，他們都覺得 Tommy 今晚表現好穩定，同時亦選了一首十分適合自己的歌來演繹。最後我哋同一眾戰友道賀之後就帶着疲倦但興奮的心情回家。

南區迎東亞運舊曲新詞創作比賽

其賽今次好遲先知有這個比賽，由揀歌到填詞，Tommy前後只用上兩日時間，到截止的最後一天才將參賽作品寄到主辦單位，所以能夠入圍決賽真是有点意外。今次 Tommy 嘅參賽作品用上了 Ms Chan Chan 嘅「白金升降機」，重新填詞後叫「傳奇一刻」，當然為配合番個主題。

大會通知綵排嘅時間係十二点十五分，因為自己隻腳有傷，所以我哋亦提早到場，報到時竟然碰到 Jancie，原來佢係今次活動 Production House 嘅負責人，世界真是太細少了。

今次比賽分學生組同公開組，大會請來的表演嘉賓分別有香港南區管絃樂團弘樂重奏、創作歌手吳彤、2009南區小提琴大賽高級公開組冠軍楊采瞳小妹妹、還有曾替很多歌星伴奏的九歲綱琴新星白汶芊小妹妹。

經過一輪比賽後，各參賽單位亦演繹了自己的作品，最後我哋很高興獲得公開組亞軍。下星期就是東亞運開幕，就此預祝這次香港主辦的體育盛事成功。

2009港鐵傑出貢獻嘉獎暨長期服務獎頒獎典禮

今晚係港鐵傑出貢獻嘉獎暨長期服務獎頒獎典禮嘅大日子，今年是歴來最多人參予的一年，一共有一百三十七席，要容納這麽多人，公司亦選擇了灣仔會議展覽中心 Grand Hall 作為今次晚宴的場地。

其實每年頒獎禮除了有請歌星表演助慶之外，有部份節目是由員工演出的。不過今年特別之處是所有 performance 都是由員工負責，而員工層面亦多元化，雖然唔算得是專業，但勝在娛樂性可觀。

今年 Tommy 好高興能夠參予其中一個 performance 中演出，同另外三位同事負責大約十八分鐘的歌唱表演，為配合晚宴主題，歌曲方面全以中西舊歌為主，十一首串燒歌當中除了每人要負責一首 solo 外，其餘都是合唱，Tommy 揀嘅歌曲係歌詞同地鐵有關的「幾分鐘的約會」。此外，公司亦請咗亞洲星光大道音樂總監 Eddie Tang 負責這環節的音樂編排，Tommy 能夠同星光大道班底合作的確獲益良多。

最終晚宴喺掌聲同歡呼聲中結束，大家亦懷疲倦但愉快的心情回家。