最近因為要應付考試，所以都有一段時間無update個Blog。今晚應東涌商會嘅邀請，有機會出席商會第二屆董事就職典禮晚宴，地点喺東涌逸東商場。
大會邀請嘅嘉賓有新界總商會會長張德熙先生、離島區議會副主席周轉香女仕、立法會議員譚耀宗先生、另外重有中聯辦代表等等。晚宴大約喺七点半鐘開始，由主席及嘉賓致詞後，大會就介紹我哋出場同致送紀念品俾我哋。今晚我哋準備咗三首歌，分別係「依然相愛」、「明日恩典」兩首合唱歌，而Tommy就獨唱阿姐首「勇敢的中國人」。
我哋表演完之後，台下嘉賓亦有上台唱歌，其中譚耀宗議員嘅歌喉都唔錯。另外，副主席黄樹有先生又請我上台同佢合唱一首「無言的結局」，晚宴大約喺十点半左右完結，而自己亦滿意今晚嘅演出。
